VIGAN CITY – Kaso a panaglabsing iti Republic Act 11332 ti sangwen dagiti tallo a lalaki a natiliw iti Border Control Checkpoint idiay Bio, Tagudin.
Nabigbig ti suspek a ni Ireneo Calip Sr, agtawen iti innem a pulo ket uppat; Apolinario Josue, agtawen iti uppat a pulo ket lima, mannalon; ken ni Michael Yanto, agtawen iti uppat a pulo ket uppat nga agpapada nga agnaed idiay Brgy. Olo-olo Norte, Santiago.
Awan ti dokumento a naipakita dagiti suspek a nakalugan iti Toyota Revo kangrunaan iti rapid test result isu a nabilinda nga iparking pay laeng ti luganda tapno maiprosesoda nga umuna dagiti kasapulan a dokumento.
Kalpasan iti sumagmamano a minutos, saanen a limmabas iti checkpoint ti lugan ket nagpaamianan a direksion ngem nakamatan met laeng dagiti pannakabagi ti linteg.
Nupay kasta, addan iti Santiago Municipal Police Station dagiti suspek tapno dumalanda iti usto a proseso.
