VIGAN CITY – Naipaagas idiay Ilocos Sur Provincial Hospital – Gabriela Silang da Joel Ablog nga agtawen ti uppat a pulo ket innem (46), tricycle driver; June Castañeda nga agtawen ti tallo pulo ket maysa, tricycle driver kenni Freddie Reoliquio nga agpapada nga agnaed idiay Mindoro, Vigan City ta nagkakabil da idi alas nuwebe kinse idi rabii.
Maibasar iti inisyal nga imbestigasyon, magmagna ni Reoliquio ta agawiden idi limmabas idi pagtaengan da Ablog ket nagtaol iti aso da a nakasurunan ni Reoliquio ket binansag na ti aso pakairamanan iti pagtaengan ni Ablog.
Agsipud iti dayta, nagsinnungbat dagiti dua agingga a dinarup ni Reoliquio ni Ablog nga adda patadem na ket nagginnubal da ket nadunor iti akin-kannawan nga abaga ni Ablog idinto a ni Reoliquio ket nadunor iti bukot na.
Kabayatanna, ni Castañeda a naganawa kadakuada ket nadunor met iti akin-kannigid a paset iti boksit na.
Kinemmeg dagiti nagresponde a kameng ti Vigan City police station ti suspek ket manarimaanen iti naun-uneg nga imbestigasyon da inaig iti pasamak.
