VIGAN CITY – Atapen ni Joshua Villahermosa nga adda iti dakes a panggep dagiti naka-van nga aglaklako ti relo ken bangbanglo idiay Barbar, San Juan a nakapulapol na idi kalman.
Segun ken ni Villahermosa, immasideg kenkuana dagiti aglaklako idi agtugtugaw iti sangwanan ti panaderia ket impaipadasda kenkuana dagiti lakoda a bangbanglo.
Gapu ta nagkedked ni Villahermosa ket impilit latta kenkuana dagiti aglaklako ket pinugsitan da ti ima na isu a naulaw ket nariknana a bimmara ti bagi na.
Ti dayta a kanito, inawagan ti lalaki a nangipugsit kenkuana ti ibagbaga na a boss na ket simmangpet ti puraw a van a rimuwaran ti maysa a lalaki a nangipugsit manen kenkuana ti sabali a bangbanglo.
Agsipud ta madlaw ni Villahermosa a madin ti rikna na idi napugsitan ti bangbanglo, inbaga na a saan a gumatang isu a naglugan ti lalaki iti puraw a van kadua na ti ibagbaga na a boss ken ti maysa pay a kadua na lalaki ket pimmanaw dan.
