VIGAN CITY – Nabigbigen ti suspek a nangkabil iti maysa a motorista kabayatan iti panagdalyasat da iti kalsada idiay Brgy. IV, Vigan City.
Nabigbig ti suspek a da John Mar Navarro agtawen ti dua pulo ket walo agnaed iti Brgy. Anonang Mayor, Caoayan kenni Ronald Tugade.
Segun ti Vigan City Police Station, idi naminsan a napasamak ti insidente ket idi kalman nagturong ti stasyon da ti biktima a ni Jefferey Penol agtawen ti dua pulo ket walo agnaed ti Brgy. Gongogong, San Ildefonso tapno ireklamo dagiti suspek.
Rimmuar iti imbestigasyonda nga agnaed dagiti suspek iti ili ti Caoayan iso a nakikinnammayet da ti Caoayan PNP agingga a naduktalanda ti barangay ken pagnanaedan dagiti suspek.
Binigbig ti ina ni John Mar Navarro nga iti anakna ti nakita ti CCTV a nangdangran kenni Penol.
