VIGAN CITY – Nakemmeg dagiti suspek a da Rogison Imperio Regpala, agtawen ti tallo pulo ket walo, naasawaan, caretaker ken agnaed idiay Calanutian, Sinait ken ni Reymund Equilio Tapawan nga agtawen ti dua pulo ket walo, naasawaan ken agnaed iti General Trias, Cavite ta nagtatakaw da ti kalding idiay Bungro, San Ildefonso.
Ti akin-kukua kadagiti tinakaw dagiti suspek a kalding ket ni Arthur Tapiceria Palomares, agtawen ti uppat a pulo ket walo, naasawaan ken agnaed iti nasao a lugar.
Segun ken ni Police Major Rodel Ularte, hepe ti San Ildefonso municipal police station, impastor ti biktima ti kaldingna iti diversion road idiay Bungro idi alas otso iti agsapa ket idi mapan na kuma ida iyawiden idi alas singko ti malem idi kalman, awan metten dagiti inpastor na a kalding na isu nga inpakaammo na nga insigida kadagiti pannakabagi ti linteg ti San Ildefonso.
Nagresponde met nga insigida dagiti pannakabagi ti linteg ket kinita da dagiti CCTV footage a naala iti nasao a lugar nga isu iti nakabigbigan ken nakakemmegan dagiti suspek
