VIGAN CITY – Naiyakar iti ospital dagiti dua a lallaki a naglugan iti motorsiklo a naidungpar iti poon ti marunggay idi January 14 idiay Calanutian, Sinait.
Nabigbig dagiti biktima a da Kevin Shane Labuguen, agtawen ti sangapulo ket walo, baro nga agnaed idiay Barangay Rang-ay, Sinait ken Jaspher Yagin, agtawen ti sangapulo ket siam, baro, nga agnaed idiay Barangay Baracbac, Sinait.
Manipud idiay Ilocos Sur District Hospital- Sinait, naipan dagiti dua idiay Batac City Hospital para iti naan-anay a pannakatamingda.
Maipalagip nga idi alas nuebe kwarenta y singko iti rabii ti January 14, nakainom a nagmaneho iti motorsiklo ni Labuguen kaduana ni Yagin ket agpapalaud da iti kalsada idiay Barangay Calanutian idi napukaw ni Labuguen iti kontrol iti manibela isu a naidungpar da iti poon ti marunggay a nagsagabaan da iti dunor iti naduma-duma a paset iti bagi da.
