VIGAN CITY- Kaso a frustrated homicide ti sangsanguen ni Dominic Domenden Raquel, agtawen ti tallo pulo ket uppat , baro , laborer ken taga Barangay San Pedro, Vigan City gapu iti panangtagbat na ti kaaruba na a ni Andres Rosario Ragamat, agtawen ti tallo pulo ket lima, laborer idi ala una kinse ti malem idi Disyembre baente kuatro a nakatamaan ti teltel na.
Ti pannakiuman ti Bombo Radyo Vigan kenni Raquel, inaklon na a naaramid na ti pannagbat gapu iti panangprobokar kenkuana ti biktima ken ti maysa pay a kadwa na ta pinabasol da nga agiwarwaras ti palso a damag.
Kinuna ti suspek a saan nan a nateppelan ti bagi na gapu iti pongtot na ta namin-adu da a nagsubli-subli iti pagtaengan da ti biktima iti dayta nga aldaw a nangprobokar kenkuana.
