VIGAN CITY – Naikursong iti pagbaludan iti maysa a lalaki ta pinaltuganna iti namin dua a daras iti kabsat na idiay Brgy. Quinarayan, Narvacan.
Nabigbig ti suspek a ni Glenard De Guzman agtawen ti tallo pulo ket pito ken iti biktima a ni Delmark De Guzman agtawen ti dua pulo ket pito.
Iti pannaki-uman ti Bombo Radyo Vigan kenni PMaj. Daniel Burgos, hepe ti Narvacan Municipal Police Station, agininom iti arak ti suspek iti pagtaengan ni Jake Cruz ket bigla a dimteng iti biktima a ket mapapati a nagprobukar ken adda iti kutsilyona.
Nagawid ti suspek iti pagtaenganda ket idin nagsubli addan iti dua a paltogna ket pinaltuganna iti kabsatna iti namin dua a daras ngem saan a napuntaan.
Narekobre dagiti pannakabagi ti linteg iti dua a basyo ti 12 gauge ken maysa a bala ti caliber 38 ken iti agdama addaan ti kustodiya ti Narvacan PNP ti suspek ken maisagsaganan iti kaso a sangwenna.
