VIGAN CITY – Nakemmeg ti maysa a driver ti ambulansya iti ili ti Sta. Maria ta nainag ti aksidente ken pimmusay ti biktima a nasapgid na idiay Brgy. Burono, Tagudin.
Nabigbig ti driver a ni Casiano Caruyan agtawen ti uppat a pulo ket innem, driver ken agnaed ti Brgy. Danuman West, Sta. Maria.
Iti pannaki-uman ti Bombo Radyo Vigan kenni PCapt. Joel Dasargo, hepe ti Sta. Maria Municipal Police Station, nagpaarayat kadakauda ti mangidaulo ti Tagudin Police Station ta adda iti ambulansya a karaman ti aksidente ken nakasapgid ti maysa a lalaki a pimmusay.
Immandar nga insigida ni Dasargo iti pannakakita ti ambulansya ket idi rabii timmawag ni MDRRMO Arwin Vendiola a ti driver ti ili ti Sta. Maria ti nakasapgid ti biktima a ni Wilfredo Somera Pagaduan.
Palawag kadakuada ti driver a nagnerbyos iso a saan nga insigida a simmuko kadagiti pannakabagi ti linteg ken iti agdama naipaiman kadagiti kameng ti Tagudin PNP para iti usto a proseso
Segun kenni Police Senior Master Sergeant Lorenzo Cariaga, chief investigaor ti Tagudin PNP, adda iti witness a nakakita ti nasao nga aksidente a nakasapgid ti biktima a bimmallasiw a pimmusay.
Innayon ni Cariaga a bayat iti panagturong da ti ospital nga agimbestigar naammaun a positibo ti alcoholic breath test ti biktima.
