VIGAN CITY – Kaso nga estafa ti sangwen ni Aries Manahan Pila, agtawen iti duapulo ket innem nga aganed iti Brgy San Julian Norte, Vigan City kalpasan nga inreklamo ni Heracleo Orteza, agtawen iti uppat a pulo ket pito, auto diesel mechanic idiay Guimod Sur, San Juan.
Segun ti San Juan police Station, napan nagreport ti biktima gapu ta saan a timmungpal ti suspek iti tulaganda iti trabaho inaig iti whole installation ti Aluminum Windows with grills iti maipatpatakder a balay ti kabsatna a babai nga aggatad iti PHP130,000.
Idi Nobyembre 5 di napalabas a tawen ket nangiyuna ti complainant iti PHP15,000 ken PHP35,000 met idi November 10.
Numan pay namin-ano a napaayaban iti korte ti suspek ket saan a nagparparang ken saan a simmurot iti tulagan ket agingga ita saanda a masarakan.
