Panaglabsing ti Republic Act 10591 mainaig ti Omnibus Election Code ti sangwen a kaso ti maysa a lalaki gapu iti panagikotna iti paltog bayat ti kaaddana idiay Barangay Paratong, Narvacan, Ilocos Sur.
Ti suspek ket agtawen iti limapulo ket dua, naasawaan, self-empoyed nga agnaed idiay Barangay Maynganay Sur, Sta. Maria.
Nakaawat dagiti personnel ti Narvacan Municipal Police Station ti tawag manipod personnel iti Sta. Maria Municipal Police Station mainaig iti napasamak a panaglabsing ti RA 10591 kangrunaan iti Ilocos Sur District Hospital Barangay Paratong, Narvacan ket naammoan a sakbay iti insidente ket naaksiente ti suspek idiay Barangay Danuman East, Sta. Maria ken naipan iti ospital para ti pannakatamingna.
Bayat ti pannakaagasna ket imbagana iti nurse nga adda ti paltog iti uneg ti bagna isu a nagpaarayatda kadagiti kameng ti Sta. Maria Municipal Police Station a gappuanan ti pannakaala ti maysa a unit iti caliber 38 nga adda lima a piraso iti live ammunition para iti cal. 38.
Iti agdama ket naka-hospital arrest ti suspek ken nakakustodiya iti Narvacan Police Station idinto a dagiti naala kenkuana ket naipan iti Narvacan Police Station para ti proper disposition.
