VIGAN CITY – Nakemmeg ni Christian Castro, agtawen iti uppat a pulo ket siam, taga-Barangay Sampaloc Tres, Villa Linda Compound, Dasmariñas, Cavite gapu iti iligal a panagikotna iti paltog.
Nakaawat iti tawag ti Sta. Cruz Police Station ti report manpud iti BIN (Barangay Intelligence Network) informant nga adda ti maatap a tao a naka sling bag nga agsirsirip kadagiti pagtaengan.
Dagus met a nagturong iti lugar dagiti duty patroller tapno paneknekan ti kinapundo ti naidanon kadakuada.
Inasikganda ni Castro ket sinaludsodda ti pakabigbiganna ngem saan a simmungbat agingga a natakuatan a saan nga agindeg iti nasao a lugar ken saanna nga ammo ti agsao iti Ilokano.
Nakumpiskar manipud kenkuana ti maysa a caliber 22 magnum revolver nga adda lima a balana.
Sangwenna ti kaso a panaglabsing iti RA 10591 wenno ti Illegal Possession of Firearm.
