--Ads--
VIGAN CITY- Maag-agasan iti ospital ni Rolando Aquino nga agtawen iti lima pulo ket lima a taga-Sitio Barbarit, San Pedro, narvacan ta binagkong isuna ti suspek nga agtawen iti sangapulo ket pito a nakakakustodiya iti agdama iti DSWD- Narvacan ngem posible a maipaiman to kadagiti opisyal ti barangay.
Segun ken ni Brgy. Capt. Ernie Molina, agin-inom dagiti dua iti pagtaengan da Esmund Aquino idi adda ti saan a kinayat ti suspek a naibaga ti biktima ket idi agawid dan, dimmagas ti suspek iti pagtaengan da.
Idi nagsubli, addan ti iggem a kutsilyo nga isu ti inbagkong na ti biktima.
Inbaga ni Molina a ti biktima ket adda ti sakit iti panagpanpanunut na isu a nu dadduma ket narigat a makaawat ken aglalaok ti ibagbaga na.
-- ADVERTISEMENT --
