VIGAN CITY – Parikot ti ayat iti mapapati a nagpakamatayan ti maysa a lalaki nga agtawen iti sangapulo ket innem a Senior High School student idiay Nalasin, Sto. Domingo idi kalman, March 24.
Segun ken ni Police Senior Inspector Christopher Ramat, hepe ti Sto. Domingo municipal police station, nakita da iti cellphone ti biktima a nagsinnungbat da ti nobya na ken naibaga ti biktima nga agpakamatay isuna.
Alas dose y media ti parbangon idi March 24, nakita laengen ti kabsat na ti biktima a dara-dara iti uneg ti bodega ti tabako iti pagtaengan da isu nga intaray da iti ospital ngem naideklerar a dead on arrival gapu ti tama iti paltog iti ulo na.
Ti lugar a nakakitaan ken ti biktima ket isu met laeng iti nakakitaan ti homemade caliber 38 handgun ken basyo ti nasao a kalibre ti paltog a mapapati nga inaramat ti biktima iti panagpakamatay na.
