--Ads--
VIGAN CITY – Maysa a lalaki ti nasarakan a natay idiay Sitio Limmansangan, Barangay Margaay, Narvacan, Ilocos Sur.
Nabigbig ti natay a ni Christopher Cabrera Cabebe, agtawen iti duapulo ket dua, agnaed iti nasao a lugar.
Maibasar iti imbestigayon, simmangpet ti ama ni Christopher a ni Robert Cabebe iti pagtaenganda idi nakitana nga aglablabutab ti ngiwat ti anakna nga awan puotna iti papagda.
Idi kinitana, natakuatanna a saanen nga agang-anges isu a nagpaarayat kadagiti karrubana ken iti PNP Narvacan.
-- ADVERTISEMENT --
Naitaray iti ospital ngem naideklarar a dead on arrival.
