VIGAN CITY- Tallo a tama iti paltog, maysa iti ulo ken dua iti bagi iti sinagrap iti maysa a lalaki iti pammaltog a napasamak idiay Lao-ingen. Sto. Domingo, Ilocos Sur.
Nabigbig ti biktima a ni Narciso Tacsiat nga agtawen iti uppat a pulo ket siyam.
Maibasar iti inisyal a report dagiti pannakabagi ti linteg, naggapu iti natayan ti biktima idi napasamak iti pammaltog ngem agsipud ta awan iti nakakita iti pasamak, awan iti makaibaga nu dagiti utek iti krimen ket riding in tandem suspects wennu saan.
Gapu ti dayta, manarimaan pay laeng iti imbestigasyon dagiti pulis iti napasamak tapnu maduktalan iti motibo ti pammaltog ken siasino dagiti suspek.
Naamuan a ti biktima ket naibalud idi gapu ta nakaala dagiti otoridad iti back shot iti uneg iti pagtaengan na ken maysa kadagiti kabsat na ket natay met laeng gapu iti pammaltog.
