VIGAN CITY – Nagpanawagan ni Yolanda Ubac, taga-San Julian Norte, Vigan City kadagiti makakitkita wenno kimmamangan ti anakna a ni Chosen Ubac a mapukpukaw nga ipakaammoda kenkuana.
Iti pannaki-uman ti Bombo Radyo Vigan ken ni Ubac, immuna a nagpakada ti anakna a maki-bonding iti kasinsin ti asawana ngem idi sinaludsodna daytoy a kasinsin ti asawana ket nakigtotda agsipud ta nakitada ti anakna iti maysa a debut party idiay Zone 6, Bantay.
Gapu ta saan met a naimbitaran ti anakna ket nagpakada nga umun-unan nga agawid.
Naudi a nakita ni Chosen a nakasuot iti puraw a bado nga adda kwelyona ken gray a shorts.
Inladawan met daytoy ti inana a natayag, napudaw ken adda major depressive disorder-na.
Saan a daytoy ti umuna a gundaway a mapukaw ti anakna ta idi kallabes ket nasarakan idi idiay Candon ta napan nangala iti police clearance-na para iti serserkenna a trabaho.