VIGAN CITY – Sapsapulen itatta dagiti pannakabagi ti linteg ni Mark Joseph Fariñas nga agtawen ti tallo pulo ket maysa a mapapati nga agbagbagnet iti frozen a karne idiay Sitio Funtanilla, Paing, Bantay.
Nadlaw ni Fariñas nga adda dagiti pannakabagi ti linteg ken opisyal ti barangay a mapan iti pagtaengan da isu a nakalibas idi nakadanunen dagiti mapan mangsukimat kuma iti pagtaengan da.
Naala dagiti pannakabagi ti linteg ti agarup sangagasut ket dua pulo a kilo ti naluto a bagnet iti uneg ti pagtaengan da Fariñas a kinumpirmaran ti meat inspector ti Bantay a frozen meat.
Malaksid ken ni Fariñas, sapsapulen pay dagiti pannakabagi ti linteg nu siasino dagiti pangideldeliveran na kadagiti frozen bagnet ken nu siasino iti pangal-alaan na kadagiti frozen meat a bagbagneten na.
