VIGAN CITY – Mapapati a nagkissiw ni Michael Mendoza, agtawen ti duapulo ket maysa a taga Sitio Bagumbayan , Brgy Paras, Sto Domingo kalpasan a nasarakan nga awan puotna iti kataltalunan a sakupen iti Brgy Lussoc iti nasao a lugar
Iti pannakiuman ti Bombo Radyo Vigan kenni PLT. Rodel Marzan, mangidadaulo iti Sto. Domingo Police Station, inpakaammo kadakuada ti maysa a concern citizen nga adda ti nasarakan a lalaki a nakaidda iti kataltalunan nga adda iti pagat tumeng ti danum na
Insigida a dinanon dagiti otoridad ken inpan iti Tolentino Clinic and Hospital ngem naideklaran a natay babaen ti attending physician na
segun iti pamilya ti biktima, napan nagala iti balangeg ni Mendoza idi kalman ti agsapa ket mapapati a nagkissiw nga isu iti pannakaidda na
pagyamanan met ni Marzan iti nangireport kadakuada para iti nasapsapa a pannakakita iti biktima
