Vigan City – Maysa a Cal. 38 revolver nga addaan uppat a bala ken pito a bala iti cal. 45 iti naala ti maysa a lalaki iti naisayangkat a search warrant operation idiay Babalasioan, Sta. Maria.
Nabigbig ti suspek a ni Edgar Butay Atinaja, agtawen ti tallo pulo ket tallo, naasawaan, construction worker nga agnaed iti nasao a lugar.
Iti pannaki-uman iti Bombo Radyo Vigan kenni PLt. Joel Dasargo, Officer-in-charge iti Sta. Maria Police Station, nakaawatda iti report a masansan iti panagpaputok iti paltog ni Atinaja no kasta a nakainom iti arak isu a vinalidate-da ket napaneknekanda iti panagaramatna isu a nangisayangkatda iti search warrant.
Kabayatanna, pagtallikodan ti suspek iti pammabasol kenkuana ta mapapati nga adda iti riri iti nagbaetanda iti nagreport kadagiti pannakabagi ti linteg.
