Vigan City – Naballigi iti pannakakemmeg ni Erick Oandasan Artates, agtawen ti uppat a pulo ket dua, naasawaan, mannalon nga agnaed idiay Sitio Batbato, Barangay Bungro, Magsingal babaen iti search warrant a naisayangkat idi kalman.
Iti pannaki-uman iti Bombo Radyo Vigan ken ni PCapt. Joel Castillo, hepe ti Magsingal Municipal Police Station, nakunana a sumango ni Artates iti kaso a panaglabsing iti Republic Act 10591 wenno Comprehensive Firearms and Ammunition Regulation Act.
Dayta ket gapu iti pannakaala kenkuana iti maysa a unit iti cal.38 revolver nga addaan dua a bala ken black holster-na, tallo a live ammunition iti cal.22 ken maysa a pack iti black holster.
Kasta pay a kinuna ni Castillo nga adda iti naawatda a report a no makainom no dadduma ti suspek ket aramatenna a pagputok iti paltog iti barangayda.
