Maysa a lalaki idiay China ti natukkol ti femur’na wenno ti naibilang a katangkenan a tulang iti bagi gapo laeng iti panaguyek.
Inreport ti medical journal idiay China ti naidumduma a medical case ti maysa a lalaki nga agtawen ti tallopulo ket lima.
Segun kenni Dr. Dong Zhong, mangidadaulo ti Department of Orthopedics ti Second People’s Hospital of Fujian Province, immay iti ospitalda ti lalaki a ni alyas Mr. Ye ta marigatan a magna
Agduduada nu kasano a natukkol ti femur’na ta masansan a ti makaigapo ti pannakatukkol ti femur ket dagiti karaman iti car accident , wenno natnag manipud iti pasdek .
Gapo dayta indalanda kadagiti test ken consultation ti pasyente, inadalda ti general health, eating habits ken lifestylena kasta pay a nangiyuswatda ti bone density tests agingga a naamoanda a narukop ti tulangna a kas katukad ti karukop ti tulang ti agtawen walopulo .
Natakuatan a sipud pay idi ubing ket makapaspasar ti calcium deficiency ket nangpakaro pay iti sitwasyonna ti panaginom ti softdrinks.
