VIGAN CITY – Maysa a lalaki ti nakemmeg ta naduktalan ti asawa ken putotna a mapapati a makinanaig ti sabali a babai idiay ili ti Caoayan.
Basar ti report manipod Caoayan Municipal Police Station, nagturong ti PNP station ti agtawen lima pulo ket tallo a babai kaddua ti anakna a lalaki nga agtawen ti dua pulo ket innem ket inreportda ti naduktalanda iti uneg ti pagtaenganda.
Rimmuar ti imbestigasyon a naduktalan dagiti agina a makinanaig ti asawana ti sabali a babai a naalaan pay ti video ngem naagaw ti kabitna ti cellphone ket inpurwakna ti ridao ken napan dinadael ti suspek ti cellphone sakbay a naglibas.
Naipakammu kadagiti kabangibang a police station iti panaglibas ti suspek ket nakemmeg dagiti kameng ti Bantay Municipal Police Station.
Ti agdama maisagsaganan iti kaso kontra ti suspek a nakakustodiya tatta ti Caoayan Municipal Police Station.
