--Ads--
VIGAN CITY – Dead on Arrival ni Eduardo Coloma, Saturno, agtawen ti limapulo ket innem, baro nga agnaed idiay Brgy. Namruangan, Cabugao, Ilocos Sur gapu ti pannakakuryentena.
Segun ti kaanakanna a ni Jalaila Reywon, agtawen ti duapulo, nasarakanna ti biktima iti waig iti nasao a lugar.
Maibasar ti insayangkat nga imbestigasyon ti Cabugao Police Station, napan nagkalap ti biktima babaen ti electro-fishing nga adda naaramat a cable wire a nakakonektar iti pagtaenganda iti nasurok kumurang uppat a pulo a metro ti kaatiddogna ket mapapati a naigalis iti danum bayat ti panangkitana ken panangalana koma iti naalana nga ikan.
Naipan iti Pira Clinic and Hospital ti biktima ngem naideklarar a natay babaen ti attending physicianna.
-- ADVERTISEMENT --
