VIGAN CITY – Natay ta imminom ti insecticide ti maysa a lalaki nga agtawen ti tallo pulo ket siam agnaed ti Brgy. Bequi-walin, Lidlidda.
Nabigbig ti biktima a ni Jonjon Joaquin agnaed ti nasao a barangay.
Basar ti imbestigasyon ti Lidlidda Municipal Police Station, adda iti saan a panagkinnawatan ti biktima ken iti live in partnerna nga agimimon tunggal mapanna iproseso ti papeles na nga agabroad ket atapenna a makisinsinnarat ti dati nga asawana.
Kabayatan a matmaturog idi May 3 dagiti dua nagpakada ti biktima a mapan umisbo ket nadlawna nga adda iti sabsabali a mapaspasamak kenni Jonjon agingga nakitana laengen nga aglablabutab ti ngiwatna.
Naipan ti Candon General Hospital ti biktima ngem naideklara a dead on arrival babaen ti attending physicianna a ni Dr. Baltaken.
Nasarakan ti live in partner ti biktima nga adda iti maysa a sachet ti insecticide Lannate a mapapati nga ininom ti biktima.
