VIGAN CITY – Natay ti maysa a lalaki kalpasan iti panangkabilda ti kabsatna idiay Brgy. Nanguneg West, Narvacan, Ilocos Sur.
Segun ti Narvacan Municipal Police Station, ti biktima ket ni Melencio Alvares Casallo, agtawen iti limapulo ket tallo, naasawaan; idinto a ti suspek ket ti kabsatna a ni Teresito Alvares Casallo, agtawen iti limapulo ket siam nga agpada nga agnaed iti nasao a lugar.
Adda iti saan a nagkinnaawatan dagiti agkabsat idin nagturong ti biktima iti pagtaengan ti suspek ket nagkinnabilda ngem naanawada.
Nupay kasta ket intuloy latta ti biktima iti nagsaosao agingga a naawanan ti puot isu a naipan iti Ilocos Sur District Narvacan para iti pannakatamingna ngem natay idinto a nakemmeg iti hot pursuit operation ti suspek nga iti agdama ket addan iti kustodiya iti pannakabagi ti linteg.
Iti agdama, saan pay nga ammo nu ania iti pudno a nakatayan ti biktima.
