--Ads--
Maysa ti natay idinto a maysa ti maob-obserbaran iti aksidente a napasamak iti national highway ti Barangay Laslasong, Sta. Maria, Ilocos Sur.
Saan pay nga ammo ti pakabigbigan dagiti nagkalubbon iti motorsiklo a Suzulki Raider nga agpada nga awan suotda a helmet.
Agpapa-amianan ti motorsiklo ket idi nagtengna ti kurbada a paset ti Sta. Maria Centennial Bridge, nag-overshoot ket naidungpar iti rail, puon ti pannakaipurwakda ken pannakaitamada iti semento, duapulo a metro ti kaadayona manipud iti point of impact na.
Naguyas ti motorsiklo iti bangir a linya ti highway, sangapulo ket lima a metro ti kaadayona manipud kadagiti nagkalubbon.
-- ADVERTISEMENT --
Nadunor dagiti nagkalubbon ket naitarayda iti ospital ngem saanen a nakalasat ti maysa kadakuada.
