Nasarakan a natay ti maysa a lalaki nga addaan ti tama iti bala ti paltog iti taltalon idiay Barangay Gusing, Sta. Maria, Ilocos Sur.
Ti biktima ket maysa nga agtawen iti limapulo ket tallo, naasawaan, mannalon nga agnaed iti nasao nga ili idinto a ti suspek ket agtawen iti tallopulo ket lima nga agnaed met laeng iti nasao nga ili.
Iti inisyal nga imbestigasyon, ti biktima ket napaltogan bayat iti kaaddana iti talon a napan nagpadanum iti mula.
Naammoan ti maysa a witness a nakanggegda iti tallo a nagsasaruno a putok iti paltog ket idi napanda kinita iti taltalon ket isu ti pannakakitada ti biktima a nakaidda nga adda gunshot wound iti likod ti bagina.
Babaen iti follow-up operation ket boluntaryo met a simmuko ti suspek.
Narekubre ti maysa a unit iti colt MK IV caliber 45, maysa a piraso iti magazine, dua a live ammunitions, ken maysa a black inside holster iti kusina iti pagtaengan ti suspek nga insigida a nai-turn over iti PNP para iti proper disposition.
Siguradoen ti Sta. Maria Municipal Police Station iti publiko a maiyetnag iti naan-annay nga addang tapno masigurado iti kinatalged dagiti umili.
