VIGAN CITY – Natay ti maysa a lalaki gapu ti aksidente a napasamak idiay Caburao, Santiago.
Segun ti Satiago Municipal Police Station, nakaawatda ti tawag iti maysa a residente nga adda ti napasamak nga aksidente iti nasao a lugar nga insigida a rinespondean da.
Nakita iti lugar ti maysa a gray Toyota FX a minaneho ni Carlos Kitoyan, agtawen ti duapulo ket walo a taga Bab-asig Quirino, awan ti driver’s license-na ken ti red ken white Honda wave a minaneho ni John Yrolle Galanga, agtawen ti sangapulo ket lima a taga Banayoyo, ken ti inluganna a ni Christreal Versoza, agtawen ti sangapulo ket uppat, estudyante a taga Caburao.
Dagiti dua a motor ket agpada nga agpapalaud a direskyon iti provincial road ti Caburao idi agsikko iti kannigid ti lugan da Galanga ngem nadungpar ti Toyota Fx ni Kitoyan a nangdarasudos agingga iti pader ti maysa a balay.
Gapu dayta, nagsagaba iti nakaro nga injury ti backrider a naipan iti Candon General Hospital ngem naideklara a dead on arrival.
