Maysa a lalaki ti natay gapu iti mapapati a pannnakatinnagna manipud iti trak iti Sitio Palasipas, Barangay Dalawa, Alilem, Ilocos Sur.
Ti mini dump truck ket minaneho ti maysa a lalaki nga agtawen iti tallopulo ket lima, inluganna ti maysa a lalaki nga agtawen iti uppat a pulo ket innem, agpada nga agnaed iti nasao a lugar.
Segun iti drayber, idi makasangpetda iti papananda a Sitio Hall nga agidissaag kadagiti unas, nadlawna nga awan ti kaduana iti likud.
Kalpasan ti sumagmamano a minutos, nakaawat isuna iti impormasion a ti pasahero ket nasarakan iti barangay road a nakapakleb, agdardara ti ulona a mapapati a natinnag manipud iti trak.
Innayon pay ti drayber nga idi addada iti Barangay Dalawa, ti biktima kadua dagiti gayyemda ket nagiinomda iti sugarcane mill.
Naipaagas iti ospital ti biktima ngem saanen a naispal ti biagna.
