--Ads--
VIGAN CITY – Maysa a lalaki iti natay gapu iti mapapati a panagbekkelna idiay Brgy. Don Alejandro Quirolgico, Caoayan.
Segun ti Caoayan Municipal Police Station, ti biktima ket nabigbig a ni Joel Quindag Norberte, agtawen iti limapulo ket tallo nga agnaed iti nasao a lugar.
Maibasar iti imbestigasyon dagiti pannakabagi ti linteg, apaman a naawatda iti report nainag iti mapapati a panagbekkel ket nagrespondeda isu a nakitada iti biktima a nakabitin iti manga a kayo babaen iti tali a naiputipot iti tengngedna.
Naideklarar ti biktima a natay babaen ken ni Dra. Edna Rabena iti MHO Caoayan.
-- ADVERTISEMENT --
Naamwan a masansan nga aginom iti arak ti biktima ken saan a nagaw-awiden iti pagtaenganda iti umabot dua a lawas.
