VIGAN CITY – Awan ti makitkita a foul play dagiti kapolisan inaig iti pannakasarak ti maysa a lalaki a natay iti waig idiay Barangay Malingeb, Bantay, Ilocos Sur.
Iti pannaki-uman ti Bombo Radyo Vigan ken ni PMaj. Pol Areola a hepe iti Bantay Municipal Police Station, nakaawatda iti tawag inaig ti pannakasarak ti bangkay ti maysa a lalaki iti waig isu a nagrespondeda nga insigida.
Segun ken ni Areola, patienda nga imminom iti pesticide ti biktima ta adda iti nakalukat a granule iti asideg iti nakapaklebanna ken adda iti pagilasinan iti nagbabaetan ti ngipenna nga imminum iti pestisidyo.
Pinasingkedan met dagiti opisyal iti nasao a barangay a nasingpet ti nasao a biktima ta awan pay iti bisyona.
Nupay kasta, saan pay met a nakasarita dagiti otoridad ti kameng ti pamilia ti biktima isu a saan pay nga ammo nu ania iti rason ti mapapati a nangkettelanna iti bukodna a biag.
Kabayatanna, saanen a maidalan ti autopsy ti biktima kas inkeddeng ti pamiliana.
VIDEO – PMAJ. POL AREOLA
