Nasarakan a natay ti maysa a lalaki iti kasilya iti pagtaenganda idiay Barangay Poblacion, Banayoyo, Ilocos Sur itay alas otso kuarenta itay bigat, February 11, 2025.
Nabigbig ti natay a ni Danilo Gagno Orpilla, agtawen iti limapulo ket tallo, balo, mannalon nga agnaed iti nasao a lugar.
Iti pannaki-uman ti Bombo Radyo Vigan ken ni Police Executive Master Sergeant Charito Ponce a Municipal Executive Senior Police Officer iti Banayoyo Police Station, nakaawatda ti report inaig iti pannakakita ken ni Orpilla isu a nagresponda kadua ti Rural Health Unit-Banayoyo ken Municipal Disaster Risk Reduction and Management personnel.
Segun ken ni Ponce, nasarakanda ti bangkay iti kasilya a lamu-lamo a nakatugaw iti toilet bowl ken naitupa iti ulona iti flooring isu a nadunor.
Naamoan a kanayon iti panaginom iti arak ni Orpilla ta idi bigat iti February 10, 2025 ket nakitada pay laeng nga agin-inom ngem intultuloyna latta agingga iti rabii iti nasao nga aldaw.
Naideklarar a natay ni Orpilla babaen ken ni Dr. Cherry Lee Mayegayeg a Municipal Health Officer.
Saanen a maidalan ti autopsy examination ni Orpilla kas pangngeddeng ti pamiliana.
VIDEO – POLICE EXECUTIVE MASTER SERGEANT CHARITO PONCE
