VIGAN CITY – Nasarakan nga awanen ti biag ni Mariano Tapiciera Madriaga Jr., agtawen iti limapulo ket tallo, naasawaan, ken mannalon bayat nga adda iti uneg ti pagtaenganna idiay Barangay Arnap, San Ildefonso, Ilocos Sur.
Segun ti San Ildefonso Municipal Police Station, immunan a nagtupra iti dara ni Madriaga iti sangwanan iti pagtaenganna ken nakaturog gapu ti bartekna idi March 31, 2024 ngem idi kalman April 1, 2024 ket napan ti kabsatna a babai a ni Nely Madriaga, ket nakitana laengen a lamu-lamu ni Mariano a naka-idda ken awanen ti puotna.
Gapu dayta impakaammo ni June Madriaga Pamo, agtawen iti limapulo ket innem, naasawaan, mannalon nga agnaed idiay Barangay Arnap, San Ildefonso kadagiti pannakabagi ti linteg ti nasao nga insidente isu a nagresponde dagiti otoridad kaduada ti Rural Health Unit personnel iti San Ildefonso.
Nupay kasta, naideklarar a dead on the spot ni Mariano babaen ken ni Dr. Novelyn Avilla Rafanan.
