VIGAN CITY – Posible nga iti nakasarakan a lugar iti lalaki a natay a natatek iti tama iti pammaltog ket isu iti nakaisayangkatan iti krimen kas kinuna iti kapulisan.
Dayta ket kalpasan a nasarakan idiay Barangay Patong, Magsingal a natatek iti tama iti paltog ni Marnoel Tica Santiago, agtawen iti tallopulo ket innem, naasawaan, mannalon, drug surrenderee nga agnaed idiay Barangat Labut, Magsingal, Ilocos Sur.
Iti pannaki-uman ti Bombo Radyo Vigan ken ni PMaj Jojo Unciano manipod Magsingal Municipal Police Station, nasarakan dagiti empty shell ken maysa nga slug iti crime scene isu a patienda nga isu iti lugar a nangpapatayanda iti biktima.
Segun ken ni Unciano, saan unay a madaldalanan iti kalsada a nagnaan ti biktima a nakakurong-kurong ta adda sabali a pagpagnaan dagiti motorista isu a sa laengen nasarakan idi September 11, 2024 iti bigatna.
Saan met nga ikkaten iti kapulisan ti pannakainaig iti droga idi kallabes ti biktima a motibo iti pammaltog ngem agtultuloy latta iti imbestigasyonda.
Maipalagip nga idi naminsan ket nasarakan laengen ti biktima a dara-dara a naka-idda iti igid iti kalsada a kaabayna iti kurong-kurongna ket naamoan a sangapulo ket maysa iti gunshot wounds na.
Panawagan ni Unciano kadagiti nakakita iti krimen nga ipakaammoda kadagiti otoridad tapno matulongan ti pamilia ti biktima a magun-od iti hustisya.
VIDEO – PMAJ JOJO UNCIANO
