VIGAN CITY – Dead on the spot ni Hubert Arconado, agtawen iti uppat a pulo ket uppat, naasawaan, security guard nga agnaed idiay Barangay Paoa, Vigan City, Ilocos Sur gapu ti panagbekkelna.
Iti pannaki-uman ti Bombo Radyo Vigan ken ni PLt.Col. Rogelio Remiendo Jr. nga Officer-in-charge iti Vigan City Police Station, nakaawatda ti tawag inaig ti napasamak a panagbekkel iti nasao a lugar isu a nagresponde da ket nakitada laengen a nakabitin ti biktima babaen ti tali iti uneg ti kuartona.
Segun ken ni Remiendo, maibasar ti langa ti biktima ket umaboten ti tallo aginga uppat nga aldaw ti pannakatayna ta agruprupsan.
Segun met ti ina na a ni Irene Arconado, agtawen iti walopulo ket dua, nadiskubrena laengen ti insidente idi nakaangot iti saan a nasayaat manipod ti kuarto ti anakna ket idi linukatanna isun ti pannakakitana ti biktima.
Nupay kasta, maimibestigaran nu adda foul play wenno awan ti pannakatay ti biktima.
VIDEO – PLT.COL. ROGELIO REMIENDO JR.
