VIGAN CITY – Naputed ti ima ti maysa a mangngalap ta mapapati nga intakar ken kinagat ti pating idiay Brgy. Puro, Magsingal.
Nabigbig ti biktima a ni Ruben Unabia, agtawen ti lima pulo ket tallo, mangalap ken agnaed ti nasao a barangay.
Basar ti report manipod ti Magsingal Municipal Police Station, nakaawat da ti tawag nga adda iti mangngalap nga inatakar ti pating iso a nagturong da iti Brgy. Puro ket naammuan a kaddua ti biktima da Ernesto Tiqui Sr, Ernimar Tiqui, Joemar Tique ken Eric Carl Unabia a naglugan ti bangka a mapan agkallap tallo pulo a milya iti kaadayona.
Kabayatan nga agguyguyod ti naalada a blue marlin ni Unabia ket maysa a pating iti immatakar kenkuana a nagresultaan iti pannakaputed ti kannawan nga imana.
Insigida a nagpaarayat ti kakaddua ni Unabia ket insigida a naipaagas idiay Northside Doctors Hospital.
