VIGAN CITY– Maobobserbaran idiay Intensive Care Unit (ICU) idiay Ilocos Sur Provincial Hospital-Gabriela Silang ni Edison Rivera Racoma , 22, baro , maysa a chef ken taga Paratong ,Vigan City gapu iti panangpaltog dagiti saan a nabigbig a suspek idiay Barangay Ayusan Sur, Vigan City itay parbangon.
Segun ti kabsat ti biktima a ni Erik Racoma, sakbay iti napasamak ket adda iti nakaginnubal dagiti dadduma a kakadwa da a grupo dagiti lallaki idiay Lyric Bar a mapapati a nangdarup kadakuada.
Kabayatan iti panagawid da a nakalugan ti motorsiklo ket dita a sinurot ida ti grupo dagiti suspek ket napaltugan ni ti biktima a nakatamaan ti bukot ken dadduma pay a paset ti bagi na.
Saan met a nalasin ni Racoma dagiti suspek agsipud ta nasipnget a lugar ti nakapasamakan iti pammaltog
