Lalaki, napaltugan iti sango ti resto bar iti Ilocos Sur

VIGAN CITY-Blangko pay laeng iti pamilya iti maysa a lalaki iti rason iti pannakapapatay na kalpasan a pinaltugan iti saan a nabigbig a suspek iti sango ti resto bar idiay Bantay, Ilocos Sur idi rabii.
Segun ti ama ken kabsat ti biktima a ni Efren Tabo, tubo ti Lao-ingen, Sto. Domingo ngem agdama nga agnanaed idiay Taguiporo, Bantay, awan iti ammo da a nakarkariri ti biktima agsipud ta nasingpet daytoy a tao.
Maibasar iti inisyal nga imbestigasyon, mapan sunduen ni Tabo ti asawa na idiay Miral Hills resto bar idiay Brgy. Sinabaan, Bantay ket idi nakababa iti motorsiklo, bigla a pintaltugan iti saan a nabigbig a suspek ket natamaan ti bukot na a puon iti nakatayanna.
Innem a basyo ti bala ti caliber .45 iti nakita iti nakapasamakan iti krimen.
Naammuan a rinnabii a mapmapan ti biktima iti resto bar ta mapan na dagdagasen ti asawa na.
Agtultuloy iti imbestigasyon dagiti otoridad iti napasamak.