VIGAN CITY- Makasoan ni Mario Diaz nga agtawen 49, naasawaan, negosyante a taga- San Antonio, Nueva Ecija ngem temporaryo nga agnanaed idiay Sisim, Cabugao, nu mapaneknekan dagiti pannakabagi ti linteg a dagiti testimonya a ti napasamak kenkuana a “mistaken identity shooting” ket saan a pudno.
Ti pannaki-uman ti Bombo Radyo Vigan ken ni Police Senior Inspector Benjamin Racquedan, hepe ti Cabugao municipal police station, saan da nga agsardeng nga agimbestigar uray nu inbaga ti doktor a nangtaming ken ni Diaz a ti napasamak ket accidental firing gapu kadagiti physical evidence a nakita da iti bagi ken bado ti biktima.
Mainaig dayta, kalikagum ni Racquedan nga agsao dagiti kakadua ti biktima idi rabii a napasamak iti insidente tapnu malawlawagan ti napasamak ket nu bilang ta dagiti testimonya da ket maikontra met laeng iti rumwar iti imbestigasyon, mairaman da a makasoan.
Maipalagip nga agtugtugaw iti asideg ti ruangan iti pagtaengan a nagdagusan na ti biktima idi adda nangngeg na a kasla putok ti piccolo ket nadlaw na laengen nga adda tama na isu a nagpaarayat.
