VIGAN CITY – Nagsagaba ti adu a tama ti paltog ti maysa a lalaki a nasarakan a natay iti kalsada a sakupen ti Barangay Margaay, Cabugao.
Maibasar ti inisyal nga imbestigasyon ti Cabugao Municipal Police Station, adda ti naawatda a tawag manipod ti concerned citizen nga adda iti agsasaruno a putok ti paltog a nanggegda isu a nagrespondeda ket nadanonda ti maysa a Rusi 110 motorcycle a nangisit ti kulayna iti tingnga iti kalsada ket nakitada ti biktima a ni John Carlo Agapito Sumagit, agtawen ti tallopulo ket lima, baro, mannalon nga agnaed idiay Barangay Bungro, Cabugao a dara-dara a natinnag iti karayan iti nasurok kumrang pito a metro iti kangatona ken tallopulo a metro iti kaadayona manipod iti motorisiklo.
Narekobre dagiti pannakabagi ti linteg ti pito a basyo ti bala ti cal 9mm iti crime scene, ken maysa a cellphone a mapapati a kukua ti biktima a naipan iti Suero General Hospital ngem naideklarar a dead on arrival.
Iti agdama, agtultuloy ti imbestigasyon dagiti pannakabagi ti linteg inaig ti pasamak.
