VIGAN CITY – Natay ni Robel Dauz Quines, agtawen iti tallopulo ket pito, addaan ti live-in partner, tricycle driver nga agnaed idiay Barangay Pacac, Tagudin ta nalmes iti karayan idiay Barangay Sawat, Tagudin, Ilocos Sur itay alas dose y media iti aldaw.
Iti pannaki-uman ti Bombo Radyo Vigan ken ni PSSG Vladimir Lazo iti Tagudin Municipal Police Station, nakaawatda ti tawag inaig ti pannakalmes ni Quines iti karayan iti nagbaetan idiay Barangay Sawat ken Pacac, Tagudin isu a nagrespondeda.
Segun ken ni Lazo, pinasingkedan ni Philip Jardiel Quines a kaanakan ti biktima, agtawen iti duapulo ket maysa, baro, estudyante nga agnaed idiay Barangay Tallaoen, Tagudin, nagturongda iti karayan tapno agala iti ikan idin naglangoy ti biktima iti umabot sangapulo ket walo a metro tapno tulongan ti kakaduana nga alaen ti sigay ngem nalmes isu nga impadas nga insalakan dagiti kakabagyan ken gagayyemna ket idi naalawda ket awanen ti puotna.
Naipan ti biktima iti Ilocos Sur District Hospital, Barangay Bio Tagudin ngem naideklarar a natay.
Patienda a nagbetted ti saka ti biktima idi manarimaan ti panaglangoyna ta sakbay ti panagsigayda ket naggapu pay iti talon a nagabuno.
VIDEO – PSSG VLADIMIR LAZO
