--Ads--
VIGAN CITY – Nakemmeg ti maysa a drug suspek a nagilako ti shabu kadagiti otoridad idiay Brgy. Paing, Bantay.
Nabigbig ti suspek a ni Liverato Lucero agtawen dua pulo ket lima agnaed iti nasao a barangay.
Basar ti report manipod Bantay Municipal Police Station, inwayatda ti operasyon kontra kenkuana ket naala manipod kenni Lucero ti pakabuklan a lima a sachet ti shabu.
Kalaksidan ti shabu naala pay manipod iti suspek ti sangaribu pisos a buy bust money
-- ADVERTISEMENT --
Ti agdama manarimaanen a maisagsagana iti kaso a panaglabsing iti Comprehensive Dangerous Drugs Act of 2002 kontra kenni Lucero.
