VIGAN CITY – Nakemmeg ti high value individual iti naiwayat nga anti-illegal drug operation idiay Brgy. San Nicolas, Candon City, Ilocos Sur.
Nabigbig ti suspek a ni Santiago Galvez Suyat, agtawen ti uppat a pulo ket maysa, naasawaan, awanan ti trabaho nga agnaed idiay Brgy. Suyo, Sta. Cruz.
Babaen ti panagtitinnulong dagiti pannakabagi ti linteg ket nakemmeg ti suspek isu a naala kenkuana ti dua a babassit a heat-sealed plastic sachet a naglaon ti mapapati a shabu nga agdagsen ti 0.3 a gramo nga aggatad iti 2,040 pesos a nagserbi a buy-bust item, maysa a pirasi ti sangaribo a pisos a buy bust money; maysa a black sling bag, ken dua a unit ti cellphone.
Iti agdama, nakaibalud ti suspek ti Candon City Police Station bayat a maisagsagana ti kaso a sangwenna.
Kabayatanna, ti operasyon ket nairekord babaen ti naited a body worn camera.
