Nakemmeg ti maysa a lalaki babaen iti pannakaiwayat ti buy-bust operation iti siudad ti Vigan.
Ti suspek ket agtawen iti duapulo ket siam, agnaed iti nasao a siudad.
Nakumpiskar kenkuana ti 0.5 gram ti mapapati a shabu nga aggatad iti P3,400 a naikabil iti tallo a piraso ti heat-sealed transparent plastic sachet a nagserbi kas buy-bust item ken ikotna.
Dagiti non-drug evidence ket pakairamanan ti P1,000 a buy-bust money, maysa pay a P1,000 genuine money, dua a napisang a plastic sachet a naglaon iti white residue ti mapapati a shabu, tallo a piraso ti improvised tooter a naglaon iti mapapati a shabu residue, maysa a plastic pack nga awan kargana ken motorsiklo.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
