VIGAN CITY – Nakemmeg ti agtawen iti uppat a pulo ket tallo a lalaki nga agnaed idiay Barangay San Pedro, Vigan City iti buy bust operation a naisayangkat.
Ti pannakakemmeg ti suspek ket nagresultaan ti pannakaala ti dua a gramo ti shabu nga aggatad ti P14,000.
Iti pannaki-uman ti Bombo Radyo Vigan ken ni PLt.Col. Rogelio Remiendo Jr. nga Officer-in-charge iti Vigan City Police Station, ti suspek ket datin a naiwayatan ti search warrant operation idi 2015 gapu iti nasao met laeng nga aramid ngem nakaruar iti pagbaludan idi March 23, 2018.
Segun ken ni Remiendo, idi pay laeng Marso ket naibilangen a high value individual ken idi October 2023 ket nairaman ti naganna ti regional target.
Manipod naipakaammo kadagiti otoridad ti aramidna idi napalabas a tawen ket nagtultuloyen ti pannakamonitorna ket napaneknekan ti madi nga aramidna.
Innayonna a ditoy laeng siudad ti Vigan ti pangisaysayangkatanna ti iligal nga aramidna ngem adda dagiti parokianona nga aggagapu iti sabali nga ili iti probinsia.
VIDEO – PLT.COL. ROGELIO REMIENDO JR.
