Maysa a lalaki iti nakemmmeg iti buy bust operation a naisayangkat idiay Barangay Camanggaan, Sta. Cruz, Ilocos Sur a maibilang a drug cleared barangay.
Ti suspek ket agtawen iti duapulo ket pito, baro, helper, street level individual nga agnaed idiay Barangay Villa Laurencia, Sta. Cruz.
Iti pannaki-uman ti Bombo Radyo Vigan ken ni PMaj. Paul Vinsent Tadeo manipod Sta. Cruz Municipal Police Station, idi pay laeng 2024 a mamonmoitor ti suspek gapu iti pannakitinnulong iti maysa pay a drug suspek a nakemmeg idi laeng kallabes.
Iti panagtitinnulong dagiti pannakabagi ti linteg ket nakemmeg ti suspek ken naala kenkuana ti drug evidence a maysa a gramo iti mapapati a shabu nga aggatad ti P6,800 a naipan iti innem a piraso ti small heat-sealed transparent plastic sachets a nagserbi a buy bust item ken possession.
Dagiti non-drug evidence a naala ket ti maysa a piraso ti P1,000, maysa nga empty cigarette box, maysa a cellphone, maysa a trucking company ID ken maysa a TMX 125 motorcycle.
Ti suspek ket addan iti kustodiya dagiti pannakabagi ti linteg ken mapilaan ti kaso a panaglabsing ti Comprehensive Dangerous Drugs Act of 2002.
