VIGAN CITY – Newly-identified ti drug suspect a nakemmeg iti buy bust operation idiay Brgy. Lapting, San Juan.
Iti pannaki-uman ti Bombo Radyo Vigan ken ni PMaj. Christopher Ramat a COP iti San Juan Municipal Police Station, naidalan ti surveillance agingga a na-validate iti aktibidad ni Marlon Castillo Piano, agtawen tallo pulo ket lima agnaed ti Brgy. Turod Patac, Cabugao a gappuanan iti pannakaisayangkat iti operasyon.
Segun ken ni Ramat, adda iti ballasiw-taaw ti asawana idinto a naibarkada isuna a gappuanan ti pannakaisungsungna iti ilegal nga aramid.
Ti nasao a suspek ket agop-operate iti umuna a distrito iti probinsia ket ti parokianona ket manipod Cabugao ken San Juan nga isun iti imonmonitorda.
Maipalagip a naala kenkuana iti innem a sachet iti mapapati a shabu, dua a Tea Bag ti mapapati a napagango a bulong ti marijuana, maysa a kaha iti sigarilyo nga aglaon ti napagango a bulong ti marijuana ken sangaribo pisos a buy bust money ken innem a piraso ti sangaribo a boodle money.
Innayonna a maipla iti kaso kontra kenkuana gapu iti panagilako ken panagikotna iti droga.
