VIGAN CITY – Nakemmeg babaen iti naiwayat nga Anti-Illegal Drug buy bust operation idiay Barangay Cabalangegan, Vigan City ni Erwin Robin Flores, agtawen iti duapulo ket lima, construction worker, taga-Barangay Cabaroan Laud iti nasao a siudad.
Naala kenkuana ti tallo piraso ti heat-sealed transparent plastic sachet a naglaon iti mapapati a shabu nga agdagsen iti 0.58 grams ken aggatad iti PHP1,500.
Dagiti met non-drug evidence a nakumpiskar ket ti maysa a genuine PHP1K, nagserbi a buy bust money; maysa a cellphone; ken maysa a mountainbike.
Iti pannaki-uman ti Bombo Radyo Vigan ken ni PLTCOL. Reynante Pitpitan, ti suspek ket adda iti watchlist ti Philippine Drug Enforcement Agency gapu iti panagilakona iti iligal a droga.
Manarimaan met ti panagimbestigar dagiti pannakabagi ti linteg dagiti posible a laklakwanna.
Nupay kasta, sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.