VIGAN CITY – Nakemmeg babaen iti buy bust operation ni Christian Estrañero Campilla, agtawen iti duapulo ket pito, construction worker nga agnaed idiay Brgy. Sabangan, Santiago.
Segun ti Santiago Municipal Police Station, ti pannakakemmeg ni Campilla ket nakaalaan ti nasurok kumurang tallo a gramo iti marijuana nga aggatad iti nasurok kumurang P360 a linaon ti maysa a piraso iti heat-sealed transparent plastic sachet a nagserbi a buy bust item ken nasurok kumurang tallo a gramo iti napagango a marijuana nga aggatad ti P360 a linaon ti maysa a heat-sealed transparent plastic sachet a nagserbi a possession.
Dagiti met non-drug evidence ket pakairamanan ti maysa a piraso iti P500, tallo a piraso iti P100, tallo a piraso iti P50 ken maysa a piraso iti lighter.
Nupay kasta, sangwen ti suspek ti kaso a panaglabsing iti RA 9165 wenno Comprehensive Dangerous Drugs Act of 2002.
